ភ្នំពេញ៖ នាយករដ្ឋមន្ត្រី ហ៊ុន ម៉ាណែត បានអរគុណ និងកោតសរសើរដល់យុវជនខ្មែរដែលបានពាំនាំយកសិល្បៈដូនតាខ្មែរក្នុងឈុតអប្សរាទៅបង្ហាញនៅលើភ្នំទឹកកកនៃប្រទេសណូវែលសេឡង់។
លោក ហ៊ុន ម៉ាណែត បានសរសេរនៅលើបណ្ដាញទំនាក់ទំនងសង្គមរបស់លោកនៅព្រឹកថ្ងៃទី០២ ខែកញ្ញា ឆ្នាំ២០២៣ នេះថា៖ «សូមអរគុណ និងកោតសរសើរដល់ប្អូនៗ ដែលបាននាំយកព្រលឹងសិល្បៈដូនតាខ្មែរ ក្នុងឈុតអប្សរា មករាំបង្ហាញផ្សព្វផ្សាយពីអរិយធម៌ដ៏ស្រស់ត្រកាល និងរុងរឿងរបស់ខ្មែរ ដល់សាធារណជននៅទូទាំងពិភពលោកបានទស្សនា នៅភ្នំទឹកកកនៅប្រទេស New Zealand»។
ជាមួយគ្នានេះលោកក៏បានបង្ហាញវីដេអូនៃការរាំរបាំអប្សរារបស់យុវតីកម្ពុជាមួយរូប នៅលើភ្នំទឹកកកនៃប្រទេសនូវែលសេឡង់នេះផងដែរ៕